حياة "آمنة" في خطر.. تحتاج 150 ألف جنيه لـ"زراعة كلي"

الشرقية – فاطمة الديب

مآساة حقيقية تعيشها "فتحية الحسيني" ربة منزل من جزية "سعود" بمحافظة الشرقية؛ ابتلاها الله بمرض نجلتها "آمنة محمد عواد" الشهيرة بـ"منار" 18 عامًا، بفشل كلوي تحتاج معه لإجراء غسيل كلوي ثلاث مرات أسبوعيًا، واضطرت لزراعة 3 أوردة صناعية، ما أثر على وزنها الذي هبط لـ 30 كيلو جرامًا، وباتت في حاجة ماسة وعاجلة لزراعة كلية من أجل إنقاذ حياتها.

"والله شايفين المرار وراضيين والحمد لله.. بنتي تعبانة من وهي عندها 8 سنين وأبوها مات وهي بنت 40 يوم، وعلشان ظروفنا استحملت أنا وهي التعب لكنها كبرت ومرضها زاد ومبقتش قادرة خلاص".. قالتها أم منار لـ"مصراوي" موضحةً أن المرض أوشك على الفتك بنجلتها: "منار من كتر الغسيل جسمها مبقاش فيه حتة سليمة، ودراعها اتهرى من كتر الحُقن.. والدكاترة آخرة ما غُلبوا ركبوا لها وريد صناعي للمرة التالتة".

وأوضحت الأم، أن الوريد الأخير تم تركيبه في معهد "ناصر" يوم 11 نوفمبر الماضي، فيما أكد الأطباء أنه لا يمكن استعماله في عملية غسيل الكلى قبل مرور 45 يومًا على تركيبة، مُضيفة: "والله بنتي عندها عزة نفس وفضلت تشيل في نفسيتها من كتر تعبها لغاية ما وزنها بقى 30 كيلو، وأنا كل اللي حيلتي من الدنيا 350 جنيه معاش جوزي".

وتابعت: "منار ملهاش حد غيري من أبوها ما مات.. كنا بنروح نغسل في الزقازيق لكنها دلوقتي مبقتش قادرة حتى تعيش، والدكاترة قالوا إن حالتها خلاص محتاجة زرع كلى بـ 250 ألف جنيه، وولاد اللال في البلد هنا جمعوا لها 100 ألف جنيه وفاضل 150 ألف.. بالله عليك لو تعرفي حد يساعدني قوليلي عليه يمكن نلحق اللي باقي من بنتي".