البيوت تتحول إلى خلايا نحل.. والكعك المنزلي يتفوق على الجاهز في الأقصر

الأقصر- محمد محروس:

تتحول البيوت في محافظة الأقصر، خلال الأيام الأخيرة من شهر رمضان المبارك، إلى خليات نحل، فالأدوار مقسمة بين أفراد الأسرة ما بين تنظيف وإعداد الخبز وتجهيز كحك العيد وشراء المتطلبات من الخارج الجميع يتقاسمون الأدوار بهمة ونشاط اعتادوا عليها في الأعياد.

للعيد في محافظة الأقصر طقوس لا يخلو منها بيت تقريبًا فمع حلول العشر الأواخر من شهر رمضان المبارك تبدأ ربات البيوت معاركهن بمساعدة بناتهن في تنظيف الستائر والسجاد والمفروشات وإعداد كعك العيد والخبز الشمسي والترمس المنزلي وتحميص الفول السوداني فيما يقع على عاتق الآباء والأبناء مهمة شراء احتياجات العيد من الأسواق.

سعاد كمال، ربة منزل قالت: "إحنا بنتهد حرفيًا في الأيام اللي قبل العيد عشان ننضف البيت ونغسل السجاد والستاير ونجهز الكحك ونخبز العيش وباقي التفاصيل بتاعت العيد بس بنعمل ده واحنا مبسوطين".

وأضافت "ارتفاع سعر الكحك السنة دي خلاني أعمله في البيت الفرق كبير طبعًا بين الجاهز والكحك اللي معمول في البيت أنا اشتريت متطلباته كلها من دقيق وسمن وبيض وسكر بحوالي 150 جنيه وعملت كمية كبيرة لو اشترتها جاهزة كانت هتكلفني على الأقل 500 جنيه".

مستدركة: "عمل الكحك في البيت متعب شوية بس احنا كستات بيوت لازم نتحمل عشان ما نزودش الحمل على رجالتنا في الأيام الصعبة دي وبعدين فرحة ولادنا بتنسينا أي تعب".

وشهدت أسعار كحك العيد هذا العام ارتفاعًا كبيرًا إذ وصل سعر الكيلو في بعض المحلات لـ70 جنيه ما أدى إلى ركود حركة بيعه وتفضيل الكثيرين لإعداده وتجهيزه في المنزل.

بينما قال أحمد ياسر، صاحب محل مخبوزات قال لمصراوي: "حركة البيع السنة دي أقل بكتير من السنين اللي فاتت بسبب ارتفاع الأسعار" وأرجع ذلك إلى ارتفاع أسعار السمن والسكر والمكسرات وغيرها من متطلبات صنع الكعك.

وأشار "ياسر" إلى أن أسعار الكعك السادة تبدأ من 45 جنيهًا للكيلو والكعك بالمكسرات يبدأ بـ65 جنيهًا للكيلو والبسكويت يبدأ من 30 جنيهًا للكيلو والبسكويت بالشيكولاتة 35 جنيهًا والغريبة والبيتي فور يبدأ سعر الكيلو من 50 جنيها للكيلو.