صور - "مبلغ عمري ما مسكته في إيدي".. عامل على نصبة شاي يعيد أموالا حولت لمحفظته بالخطأ

البحيرة - أحمد نصرة:

ضرب عامل بسيط من مركز أبو المطامير، في محافظة البحيرة، مثالًا رائعًا في الأمانة، بعدما أعاد مبلغًا ماليًا حول لمحفظته المالية عن طريق الهاتف بالخطأ.

وفوجئ محمد الجمل، المقيم بعزبة عاشور، ويعمل على نصبة شاي بسوق الخضار، بوصول رسالة نصية تفيد تحويل مبلغ 50 ألف جنيهًا إليه.

يقول الجمل: "في الأول فكرت إنها رسالة نصب زي الرسايل الكتير إللي بتيجى على التليفونات، لكن كان فيه سنترال جنبي رحت سألت فيه، لقيتهم اتحولوا فعلا وصرفهوملي.

ويؤكد هاني غريب - أحد أهالي أبو المطامير الواقعة: " محمد جالي والفلوس في إيده مش عارف يعمل إيه، وحكالي الواقعة، وقاللي عاوز أرجع الفلوس لأصحابها بس عاوز أتأكد إن هما إللي يستلموها في إيديهم".

ويضيف غريب:"تواصلنا مع أصحاب الأموال عن طريق الأرقام المحولة منها، ومحمد ساب الفلوس معايا عشان كان خايف من المسؤولية وبيقوللي أنا عمري ما مسكت مبلغ زي ده في إيدي، وننتظرهم اليوم لاستلامها".

ويستطرد غريب: " محمد الجمل سعات بييجي وقت عليه مامعهوش 300 جنيه إيجار شقته وسعات ممعهوش فلوس يكمل العشاء، ومع ذلك مقبلش ياخد قرش حرام مش من حقه، وبقى قدوة حسنة لغيره إنه مهما كانت ظروفك صعبة بس الأهم الأمانه والشرف".