مواطنون ردًا على إجراء لوحدة دمنهور المحلية: "ليه العكننة سيبونا نفرح برمضان"

البحيرة - أحمد نصرة:

نفذت الوحدة المحلية لمركز ومدينة دمنهور، اليوم الإثنين، حملة لرفع الإشغالات وإزالة أنوار زينة رمضان من الشوارع.

جاءت الحملة بعد يوم واحد من إعلان الدكتورة نهال بلبع، نائب محافظ البحيرة، الالتزام بتنفيذ قرارات مجلس الوزراء الخاصة بترشيد استهلاك الكهرباء، واتخاذ عدة إجراءات في سبيل ذلك.

ووجهت نائب المحافظ رؤساء الوحدات المحلية، بتخفيض إنارة الشوارع والميادين العمومية والمحاور الرئيسية، وإلزام المحال التجارية بتخفيض الإضاءة القوية التي تتواجد على واجهاتها.

وما بين مؤيد ومعارض تباينت ردود أفعال المواطنين تجاه إزالة إضاءات زينة رمضان من الشوارع.

يقول محمد شعيب: "وليه العكننة دي الواحد كان فرحان بالزينة دي بيتهيألي اكتر من العيال الصغيرة".

ويتفق نبيه: "سيبنا كل حاجة وجينا على زينة رمضان.. هي دي إللي عاملة الأزمة".

أما لميس فكان لها رأي آخر: "كده صح مش غلط ده إسراف وضغط زايد عن الحد"

واعترضت أم محمد على إزالة الزينة قائلة: "لا حول ولا قوة الا بالله كل حاجة حلوة بتتمحى ليه ده شهر مبارك".

وعلقت أنسام السيد غاضبة: "وهى الزينة مزعلاهم فى إيه".

أما حمادة خليل فكانت وجهة نظره مع الإزالة وقال: "ماهو منسرفش فى إللي هيترمي و نقول احنا مش لاقيين ناكل فى الآخر، رمضان مش إضاءة، رمضان رحمة".

وفي المقابل قالت إسراء: "ليه كده مش كفايه طافيين العواميد ومخليين الشوارع كحل".​