عقب طرد طلاب مدرسة بالأسمرات.. أديب: "هما رايحين فيكتوريا كولدج"-فيديو

كتب - حسن مرسي:

انفعل الإعلامي عمرو أديب، بسبب منع إحدى المدارس بحي الأسمرات دخول عدد من الطلاب للمدرسة؛ بسبب عدم شرائهم للزي المدرسي، قائلًا: "مفيش مدرسة حكومية ينفع تطرد طالب.. جرا اية معندكمش قلب وحرام نقهر قلب العيال دي، هو أنتم فاكرين انه رايح فيكتوريا كولدج، ازاي الوزير يسمح بكلام زاي دا، دي مش مدارس أهلك دي مدرسة الحكومة واتبنت بفلوس الشعب والحكومة".

وأضاف "أديب"، خلال تقديمه برنامج كل يوم، المذاع على قناة "ON E"، اليوم الأحد، قائلًا: "العيال متعودوش يلبسوا اصلًا خالص وكانوا بيجروا زاي ما اتولدوا في شوارع العشوائيات.. دي ناس لسة بتبتدي حياتها في الأسمرات".

وتابع: "لو عندك عيال عايزين فلوس للزي المدرسي أنا هدفعها كل اللي معندوش الزي المدرسي البرنامج هيدفع وهنخلص الحكاية.. اللي مش قادر يجيب هدوم يكلمنا واحنا هنجيبلهم الهدوم لحد عندهم".