جمال العدل: "ريهام حجاج زي يسرا".. وفاتن حمامة قالت عليها ممثلة شاطرة

كتب- وائل توفيق:

كشف المنتج جمال العدل عن كواليس تعاونه مع الفنانة ريهام حجاج.

وقال أثناء استضافته في برنامج "العرافة": " كانت معايا في سجن النسا، بطلة من البطلات، وهي ممثلة شاطرة، وأنا بحس إنها ظلمت في التجارب السابقة اللي جات قبل كده، وأنا رهاني عليها كان السنة دي، ومبسوط لها ومبسوط منها، أكتر من المسلسلين التانيين، لإن كل الناس كانوا بيخوفوني، اشتغلت معايا وكانت ست هايلة جدا، وشاطرة، مذاكرة دورها، ملتزمة ومنتظمة، شبه يسرا وشبه نيللي، شبه الشغلانة اللي احنا تربينا عليها، والحمد لله عملنا حاجة مع بعض كويسة جدا، وده ساعدني فوق الوصف".

وتابع: "فاتن حمامة قالت عليها إنها ممثلة شاطرة، فأنا رهاني عليها طلع مظبوط، ومكسرة الدنيا السنة دي".

تشارك الفنانة ريهام حجاج في مسلسل "يوتيرن"، الذي يعرض في الموسم الدرامي الرمضاني الحالي 2022.

"يوتيرن" تأليف أيمن سلامة، إخراج سامح عبدالعزيز، بطولة ريهام حجاج، أيمن القيسوني، توفيق عبدالحميد، كريم قاسم، عبير صبري، محمود حجازي.