حسن يوسف: "تعرضت للنصب والشيخ الشعراوي سيدي" (فيديو)

كتب- وائل توفيق:

حكى الفنان حسن يوسف عن تعرضه للنصب من حارس على قطعة أرض اشتراها، في فترة أوائل السبعينات.

وقال أثناء استضافته في برنامج "كل الناس" على شاشة قناة "MBC مصر: "اشتريت 20 فدان، وكل شوية الحارس يطلب مني فلوس وأنا أديله، وفي الآخر الأرض صفرا، وجبتله عجول، رجعت لقيته بيقولي فيهم 2 ماتوا، لحقت منهم أنا 3، جبت واحد صاحبي كبابجي وحملناهم وفاجئناه، والحارس بتاع الأرض اللي جانبي، قالي يا أستاذ حسن، ده في جوازة بنته دبح عجل من العجول والناس كلها كلت منه".

وتابع: "رحت للشيخ الشعراوي سيدي، فقالي وإنت إيه اللي حدفك الحدفة دي، متشتغلش غير الحاجة اللي ربنا مسخرك ليها، إنت ناجح في شغلك، بيع يا ابني، فسمعت بنصيحته، وبيعت، وخسرت 7 آلاف جنيه".

حسن يوسف يعتبر من أشهر نجوم السينما المصرية، قدم خلال مسيرته الفنية عددا من الأعمال الهامة، أبرزها: "للرجال فقط، الشياطين الثلاثة، المجرم، الزواج على الطريقة الحديثة، الخطايا، مفيش تفاهم، الثلاثة يحبونها، شاطئ المرح" وغيرها من الأعمال.