بالفيديو| شيماء سيف تكشف سر انسحابها من "نفسنة"

القاهرة- مصراوي:

كشفت الفنانة شيماء سيف سر انسحابها من تقديم برنامج نفسنة، وحكت في برنامج "مراحل" المعروض على قناة SBC، إن غرف المذيعات الثلاثة كانت متجاورة، في الاستديو وطوال الوقت كان هناك زحام، لذلك كان لا يمكن أن أيا منهن تسمع ما يدور في غرفة الأخرى، لكن في يوم كان الجميع قد غادروا وظل الثلاثة لجمع ملابسهن، خاصة وأنهم كانوا سيحصلون على إجازة طويلة، وسمعت في الغرفة المجاورة لها، ما جعلها تقرر الانسحاب.

وقالت شيماء "كان بدأ يحصل حاجة في الكواليس لما نيجي نقدم حلقة، ساعات يجيبولي مواضيع مكررة سبق وعملناها، كنت بقترح مواضيع يرفضوا ويقولوا لازم نرجع لرئيس التحرير ورئيس القناة، وبعدها حصل اجتماع قلت فيه إن ساعات بيبقى عندي مواضيع وبيقولوا لازم نرجع، قالولي لأ كلمينا على طول".

وتابعت "وفي يوم غيرنا واتكلمنا في حاجة لذيذة، وبعدها قالوا طب وبعدين هنعمل فيها إيه، دي بدأت تتحكم فينا، وعشان نطيرها نقول انها بتتأخر وحد قال يعني احنا نقدر نمشيها ونجيب أي واحدة غيرها وهي كده كده مش فارقة".

وأضافت شيماء "كان المفروض امشي بس مقدرتش فتحت الاوضة، وقلتلهم انتم مش محتاجين واتخضوا من رد الفعل، خرجت ورجعت على الاوضة تاني كنت منهارة ومخضوضة سمعتهم بيكملوا كلام، ورجعت وأنا ماشية دخلت تاني وقلتلهم أنا سمعت على فكرة".

جدير بالذكر أن شيماء سيف تشارك في السباق الرمضاني لعام 2022 في مسلسل "أحلام سعيدة" مع الفنانة يسرا، الفنانة غادة عادل، والفنانة مي كساب.