مصطفى شعبان يكشف عن المرة الوحيدة التي خطب فيها فتاة (فيديو)

كتب- عبد الفتاح العجمي:

قال النجم مصطفى شعبان، إن عدم إقباله على خطوة الزواج حتى الآن ليست لرفضه الفكرة، موضحا: "الموضوع كله نصيب وبس.. لسه محصلش نصيب.. لكن أنا مش ضد الفكرة ولا حاجة".

وكشف شعبان، خلال حواره ببرنامج "حبر سري" مع الإعلامية أسما إبراهيم على قناة "القاهرة والناس"، عن المرة الوحيدة التي خطب فيها فتاة، وكانت عام 2006.

وحول سبب انفصاله عن خطيبته آنذاك؛ قال: "ماتفهمناش.. كنا صغيرين، الحماس والعند أخدني في حتة خلتنا منكملش، مقعدناش كتير، كانت بنت ممتازة ومازلنا أصدقاء حتى الآن، ومن بعدها وأنا قولت لو الخطوة دي حصلت تاني هتكون من غير تخطيط".

أكد أن "العزوبية ليها جوانب حلوة وجوانب وحشة، بس أنا مش شاغل بالي، مش بدور على حاجة، لكن لو لقيت حاجة أنا موافق، أنا بقرأ شائعات كتير حول ارتباطي، مع أي فنانة بمثل معاه، بس عادي ومبقاش بيشغلني ده ومتقبل ده".

ويشارك النجم مصطفى شعبان في موسم مسلسلات رمضان 2022 من خلال مسلسل "دايمًا عامر" مع النجوم: لبلبة، صلاح عبدالله، عمرو عبدالجليل، ميرنا نور الدين، نضال الشافعي، سماء إبراهيم، محمد ثروت، كريم عفيفي، أحمد الشامي، سينتيا خليفة، محمد محمود، شريف دسوقي، من تأليف مايكل عادل وأيمن سليم، إشراف على الكتابة أحمد عبدالفتاح، وإخراج مجدي الهواري.