مايان السيد ترد على إنتقادات "1000 حمدلله على السلامة"

ردت الفنانة الشابة مايان السيد، على الإنتقادات التى وجهت إليها عن دورها في مسلسل "1000 حمدلله على السلامة" الذي يعرض حاليا في موسم دراما رمضان 2023.

ووجهت مايان، رسالة لمتابعيها في مقطع فيديو، نشرته عبر خاصية القصص القصيرة على إنستجرام، قالت فيه: "ممكن يكون ناس كتير شافوا إنه دمي مش خفيف مثلا أو أن أنا مش لايق فيا الكوميدي وده من حقكوا يبقى ليكم رأي وتعبروا عن الرأي ده طبعا، وأنا من ناحيتي حلو إن أنا أعرف فين الانتقادات دي وإيه اللي أقدر أشتغل عليه ويبقى أحسن".

وتابعت: "أنا لسه بتطور ومش بعتبر نفسي إن أنا خلاص بقيت فنانة.. أنا لسه بطور ولسه بكبر ولسه بتعلم وبتعلم من الأساتذه اللي أنا بشتغل معاهم ولسه يعني ".

وكشفت مايان سبب موافقتها على العمل، قائلة: "قررت إن المرادي ليه ما أجربش.. ليه ما ألعبش وليه ما أخدش ريسك؟.. أنا السنة دي كنت حابة إن أنا أعمل ده وأخد ريسك وأجرب حاجة جديدة بعيدة عني شوية في تقديم عمل كوميدي".

مسلسل "1000 حمد الله ع السلامة" هو عمل اجتماعي كوميدي من بطولة يسرا، شيماء سيف، محمد ثروت، مايان السيد، آدم الشرقاوي، والمطرب عنبة، ومن تأليف محمد ذو الفقار وإخراج عمرو صلاح ومن إنتاج جمال العدل.