أيمن بهجت قمر: شريهان وقفت جنبي.. كانت بتجيب ليا لبس وتديني فلوس

كتب- حسن مرسي:

أشاد الكاتب والشاعر أيمن بهجت قمر ، بمواقف الفنانة شريهان في بداية مشواره، قائلا: "كانت بتاخدني أنزل أجيب لبس وتبعتلي ناس يبيضولي الشقة، وحاجات رفاهيات غير الفلوس اللي كانت بتديهالي.

وأضاف قمر، خلال استضافته مع الإعلامية منى عبدالوهاب، ببرنامج "أنا والقناع"، المذاع على قناة الحياة، مساء الجمعة: مرة اتخانقت مع مرات خالي، وبيت في قسم الدقي، ولما كلمت صاحبي من الشباك قلت له كلم شريهان، كانت السند وهي من أجدع وأوفى الناس، بسميها شريهان جدا".

وأوضح بهجت قمر: "لو والدي كان عايش كان هيرد أمي تاني، بعد طلاق 13 سنة، وأنا كابن كان نفسي دا يحصل، عمري ما شوفت أبويا وأمي في كادر واحد".

وتابع أيمن بهجت قمر : "بعد ما والدى توفى في 3 يناير 1989، أمي اتطلقت من أبوأخواتي في شهر 5، المرحوم عادل صادق، وأبويا لو موجود في السنة دي كان هيرد أمي".