أول تعليق من صبا مبارك بعد عرض الحلقة الأخيرة لـ مسلسل"لحظة غضب"
بوستر مسلسل لحظة غضب
كتب - هاني صابر:
وجهت الفنانة صبا مبارك، رسالة لصناع مسلسل "لحظة غضب" بعد عرض الحلقة الأخيرة للعمل.
وكتبت صبا، عبر حسابها على إنستجرام: "مبروك يا كل فريق عمل لحظة غضب، وشكرا على الأيام الحلوة اللي عشناها سوا واستمتعنا بيها.. شكرا من هنا لبكرة من أصغر لأكبر حد، ولكل الناس بدون استثناء".
وتابعت: "طارق الجنايني شكرا على إيمانك المستمر بيا من ١٢ سنة .. ويا رب وشنا يبقى حلو على بعض دايما، شكرا على كل حاجة يا موهوب أنت منتج حقيقي، وفاهم وعارف بيعمل إيه، والدليل أن كل أعمالك شبهك، وكلها محترمة وأنيقة وتضيف للصناعة، أنا بحبك وبحترمك فوق الوصف".
واستكملت: "عبد العزيز النجار أخويا وصديقي واللي فاهمني وبجد مفيش لحظة عدت مكنتش حاسة اني أعرفك من قبل ما نتولد ..شكرا انك اديتني تفاصيل صغيرة وكتيرة وفي غاية الأهمية، خلت يمنى يمنى ..بحبك يا زيزو أوي وعقبال اللي جاي.. ومهاب طارق تسلم إيدك ودماغك وربنا يحميك ويحمي موهبتك، أنت مؤلف عظيم وبدون تكلف أو فرض ببساطة وسلاسة ويسر بتكتب قصة تأسر القلوب، صداقتنا اللي نمت في المسلسل ده هعتز بيها على طول، لأننا من عالم واحد، شكرا على يمنى وشكرا على الثقة".
وأوضحت: "محمد عبد الرؤوف أخويا الموهوب والمتجدد والنزيه اللي ما بيسبش لحظة رغم أي ظرف تعدي عادية، أنت وفريقك أخواتي بجد وبتفائل بيكم وبتطمن وأنتوا حواليا، شكرا على المشوار اللي عمره تقريبا سنتين، تطورنا فيه واكتشفنا حاجات كتير وأهمها معرفتنا لبعض.. وياسمين الصاوي اللي ما بقالناش نعرف بعض كتير بس أختي وحبيبتي الشاطرة الجدعة الشخصية اللي بتحتوينا كلنا وبمنتهى الهدوء".
وأضافت: "الوايلي ( كريم جابر ) أنت مدهش، الحالة اللي خلقتها في أكتر من عمل مؤخرا وضعت معيار صعب للجميع، god bless وأنا ليا الشرف اني اشتغلت معاك أنت ودنيا وائل.. شكرا لجميع الأقسام المهندس عمرو (الصوت ) وعلام على خلق الشخصيات بشكلها ده ولبسها والنقلات، والمهندسة سالي على الديكورات وحلاوتها، والمونتير العظيم
كريم سعد لأن المونتاج إخراج تاني ووجهة نظر بتشيل أو بتوقع المشروع وأنت طرت بينا لفوق، ومنتحرمش من مشروع لمشروع، ويارا العشري أختي الصغيرة الزنانة الهادية اللي عارفة بتعمل إيه وبتحققه بابتسامة و أشطر marketing في الدنيا".
وشهدت الحلقة الأخيرة من مسلسل "لحظة غضب" اتصال يمنى - صبا مبارك بالشرطة وإخبارهم بأنها وراء قتل زوجها محمد فراج وشقيقه محمد شاهين، ليتم القبض عليها، وعند الذهاب إلى المحكمة تجد مفاجأة بأن محمد شاهين ما زال حيا، لم يمت، لتحاول التهرب من كلامها، ولكن تجد تسجيلات فيديو مصورة لها وهي تلقي جثمان محمد فراج في النيل.
وانتهت أحداث المسلسل بالحكم على صبا مبارك بـالحبس 3 سنوات مع النفاذ، لتذهب إليها بعض النساء ليخبروها بأنهم يريدون مساعدتها في قتل أزواجهم.
View this post on Instagram
اقرأ أيضا:
تامر حسني يغني في نهائي كأس عاصمة مصر بين المنتخب الوطني وكرواتيا
فيديو قد يعجبك:
