بعد ظهوره في برامج رمضان 2025.. تعليق وتهديد جديد من حسام حبيب

كتبت- منى الموجي:

عقب ظهوره في برنامج "العرافة" على مدار ثلاثة حلقات متتالية في رمضان 2025، وقبله ظهوره في برنامج المقالب رامز إيلون مصر، كتب الفنان حسام حبيب تعليقا وتهديدا جديدا عبر خاصية القصص القصيرة لصفحته بموقع انستجرام، اليوم الجمعة 14 مارس.

وجه حسام في البداية الشكر لكل من سمعه دون هجوم، وقال "الحمد لله أنا بشكر ربنا سبحانه وتعالى على كرمه وفضله إن الناس اللي أنا بجد بشكرهم وبقولهم شكرا لأنكم سمعتوني من غير هجوم ورعب وأذى وتهديد، وإنكم حررتوني من تهديد صفحاتها والالتراس بتاعها اللي فضلوا مصممين عليه".

وتابع "وأنا هاعرفكم على الناس اللي شغالين وعايشين معاها أصلهم إيه وفصلهم إيه وهما مين وعملوا إيه وضروني إزاي، وقد إيه هما فاكريني مش هاوصل لحقيقتهم، أقسم بالله العظيم لأخليهم آية وعبرة لمن يعتبر، وبقولهم أنتم خايفين ليه وبتفكروا تسافروا ليه فاكرين هاتهربوا من المواجهة، وبقولهم تاني لو رحتوا فين ده إذا عرفوا يسافروا وبقولهم اللي انتم مخبينه عليها والضرر اللي اتسببتوا فيه ليا وليها تاني هاخلييهم عبرة".

وعن عودته للحديث في البرامج عن موضوع انتهى منذ فترة، أوضح "وللناس اللي بتسأل ليه راجع تفتح الموضوع بعد ما اتقفل، الحقيقة مش أنا اللي عملت كده اللي عمل كده صفحات جمهورها اللي من برومو حلقة رامز ماوقفوش سب وقذف وإهانة، وحذرتهم الصفحات دي بيتم إدارتها وتمويلها من أفراد شغالين وعايشين معاها وأعتقد بدون علمها ولكن هي المسئولة عنهم".

جدير بالذكر أن حسام حبيب تحدث عن علاقته بالمطربة شيرين عبدالوهاب والمشاكل التي ظهرت بينهما طوال فترة الزواج، وبعد الانفصال، مؤكدًا أن هذه العلاقة كانت مرحلة وانتهت ولكنه تضرر منها نفسيا.