مي عمر عن"إش إش": "مكنتش بعرف أرقص قبل المسلسل واتعلمت في 6 شهور"

كتب- هاني صابر:

تحدثت الفنانة مي عمر، عن تجربتها بمسلسل "إش إش" ودور الراقصة الذي قدمته في العمل الذي عرض في موسم دراما رمضان 2025.

وقالت مي عمر ببرنامج "تفاعلكم": "مكنتش بعرف أرقص قبل المسلسل، وفضلت 6 شهور اتعلم عشان الشخصية".

وتابعت: "أكتر حاجة كان عاجبني في إش إش أو شروق إن مامتها وخالتها وجدتها رقاصة، ومولودة في عالم راقصات لكن هي رافضة للمجتمع ده ونفسها تشتغل حاجة تانية، ونفسها تاخد كورسات إنجليزي، وتشتغل في كول سنتر، ولديها طموح آخر، ولما حصلها عقبة فهي متأثرة بالعالم اللي اتربت فيه".

وأضافت مي عمر: "إش إش لبسها محافظ شوية بالنسبة إنها راقصة، وطريقة كلامها وردودها والبيئة بتاعتها متأثرة بيها، وكانت ممكن تتغير".

مسلسل "إش إش" من إخراج محمد سامي، وبطولة مي عمر، هالة صدقي، ماجد المصري، انتصار، ندا موسى، شيماء سيف، إدوارد، محمد الشرنوبي، عصام السقا، طارق النهري.