نجلاء بدر: "اتعرض عليا شراء بويضات وتأجير رحم ورفضت لأنه حرام"

كتب - معتز عباس:
قالت الفنانة نجلاء بدر، إنّها خضعت لجراحة حقن مجهري وفشلوا، موضحة: "الموضوع ده اتشال من دماغي، اتعرض عليا شراء بويضات ورفضت مش داخل مصر في الخارج، ورفضت لأنها حرام".

وأضافت "بدر"، في حوارها مع الإعلامية بسمة وهبة، مقدمة برنامج "العرافة"، على قناتي النهار والمحور: "مش ولادي أصلا وحتى لو ابن جوزي هيبقى في الحرام، والمصيبة في ناس ممكن تعملها بموافقة الزواج لأنهم عايزين طفل، لكن ده بالنسبالي حرام وياريت الناس".

وتابعت: "في واحدة عرضت عليّا أني أقوم بتأجير رحمها، وقالت لي إنها مستعدة تأجري رحمها، وده كان في مصر، بحكم حبها ليّا لما افتكرت إني عندي مشكلة، هي تبقى الحامل وتديلك البيبي في الآخر".

وأكملت: "استئجار الرحم جهل طبي وجهل ديني، وأنا أرفض هذا النوع من العمليات، وأنا مأجرتش رحم ولا اشتريت بويضات، كان زماني حملت، وأنا معنديش عيال".