رامز جلال عن أشرف بن شرقي: "الزمالك عمل معاه حركات مش قد كده"

كتب: محمد جعفر

وقع النجم المغربي أشرف بن شرقي ضحية الحلقة 16 من برنامج رامز إيلون مصر الذي يقدمه رامز جلال.

وقال رامز جلال أثناء استقباله أشرف بن شرقي لاعب النادي الأهلي: "ضيفنا النهارده أنا جيبته قبل كده بيلعب فى الفريق المنافس وقولناله إيه اللي خلاك تعمل كده؟ في حد يسيب نادي البطولات ويلعب في نادي كده وكده.. اتضحك عليه واتلعب بيه وعملوا معاه حركات مش قد كده وغضب وقرر يسافر وقالهم أنا ما ينفعنيش كده".

وتابع: "اتضحك عليه واتغدر بيه وفي الآخر زغللوا عينه في الأهلي بالفلوس.. معانا ومعاكم اللاعب اللي مشعوط ميت عقبة وهي مش ناقصة حرايق... معانا أشرف بن شرقي".

واستضاف رامز في الحلقات السابقة من البرنامج عدد من الفنانين والمشاهير الذين وقعوا ضحايا للبرنامج الشهير، منهم: أحمد العوضي، أحمد فهمي، إمام عاشور، مصطفى غريب، حسام حبيب، زينة، وبسمة بوسيل، محمد كنو، محمد سامي.

وكشفت الخريطة البرامجية عن عرض البرنامج على 4 قنوات هي "MBC1" و MBC مصر و" MBC5" و MBC العراق، بالإضافة إلى عرضه على منصة "شاهد".