بعد اعتزاله الدراما التليفزيونية.. الجمهور يهاجم مشهد لـ محمد سامي: حرام نبش القبور

كتبت- منى الموجي:

أثار المخرج محمد سامي جدلا واسعا على مواقع التواصل الاجتماعي خلال الساعات القليلة الماضية، وبعد عرض مشهد للفنان عمرو سعد ضمن أحداث مسلسل سيد الناس، المعروض على قناة MBC مصر طوال أيام شهر رمضان 2025.

يظهر عمرو أو الجارحي وهو أمام قبر نجله "أدهم" ويقرر أن يفتحه لينزل ويشاهد جثمانه ويحتضنه، وانقسمت تعليقات الجمهور على المشهد إذ أشاد البعض بأداء بطل العمل مؤكدين تأثرهم به وبصوت المطرب أحمد سعد، وانتقده آخرون وأكدوا أن ما فعله البطل انتهاك لحرمة الميت وكان من الأفضل عدم تصوير مثل هذا المشهد.

ومن بين تعليقات الجمهور: "عمرو سعد جامد وخطير وفظيع وأحمد سعد فوق النمرة واحد والمسلسل ده أجمد مسلسل في رمضان ده والجاي واللي فاتت وحياة ربنا أنا كنت بعيط بجد ومن قلبي المسلسل تحفة، المشهد ده فيه حرمة كبيرة أوي وعدم احترام حرمة الميت والقبور حرام بجد، ومشهد مش حقيقي على الواقع مينفعش تفتح الترب ولسه واحد مدفون فيها ده حرام، هو مش حرام نبش القبور ولا انا بيتهيألي، صعب أوي مسلسل كله حلو، محمد سامي العالمي، تفصيلة موجعة".

كما كتب آخرون "عمرو سعد خطير، مشهد صعب والمفروض مكنش يتحط أن ده حرام شرعا، أكبر حرام نبش القبور، مشهد مالوش لازمة حضرتك أصلا حرام فتح القبر قبل 40 يوما من الدفن هو إزاي كده فين حرمة الميت، وجع قلبي أحسن محمد سامي في الكون وأفضل مخرج عربي".

"سيد الناس" إخراج محمد سامي، بطولة عمرو سعد، إلهام شاهين، أحمد رزق، أحمد فهيم، إنجي المقدم، ريم مصطفى، منة فضالي، أحمد زاهر، نشوى مصطفى، إنجي كيوان، محمود قابيل، ملك أحمد زاهر.