فريدة سيف النصر لـ أسما إبراهيم: "جبتي الكلام ده عن لساني إزاي"

كتبت- نوران أسامة:

ردّت الفنانة فريدة سيف النصر على تصريحات الإعلامية أسما إبراهيم، والفنان أحمد السقا، حول استبعادها من الجزء الثاني من مسلسل "العتاولة".

وكتبت فريدة، عبر حسابها الرسمي على موقع "فيسبوك": "يا قمر، أنا بحبك، جبتي الكلام ده عن لساني إزاي؟ أنا ماقولتش غير وجهة نظر المخرج، لا ظلمني ولا أنا مظلومة، إنتي اختلط عليكي كلام الفنانين، أخرهم هدى الأتربي مع بسمة وهبة، هما اللي قالوا إني مظلومة، لكن دي كلمة صعب أقولها عن نفسي".

وتابعت: "على فكرة، أنا متكلمتش مع حد، ولا باتكلم، ولا باتصل، لكن أولادي الشباب كلهم عيدوا عليا، وأنا واثقة إنك مش قصدك، لإنك ما شوفتيش الحوار، وأنا أصلاً متكلمتش كتير زي ما قلتي، ولما بيسألني ناس محترمة، لازم أرد".

وأضافت: "لو عايزة الكتير، أنا متكلمتش، وده اللي كتير عليا.. ما يجيش منك لا الكلام ولا الريأكشن بتاعك، وكفاية بقى، كل البرامج لازم أنا في جملة مفيدة؟ ماكانش مسلسل! وميرسي جدًا نيابة عني وعن أعضاء العمل برضه، ولادي اشتغلنا سوا كتير".

واختتمت حديثها موجهة كلامها للنجم أحمد السقا: "وبالمناسبة، مافيش حد جه مكاني، والقرار كان قرار الكاتب والمخرج، مش تبديل وإحلال، معاكِ حق، أنا بحبك فعلًا، مش مجرد كلام، وطبعًا، النجاح بيكون باسم العمل كله، زي زمان، مش مقارنة بين ممثلين، هو ينفع محمد صلاح يدخل جون لوحده من غير ما حد يباصي له الكورة؟ عموماً، شكرًا تاني ليك ولطارق، ومع أسما برضه شكر فيا، ما أنت وهو واحد.. الله يوفقنا جميعًا، وشكرًا للسقا، لأنه على الأقل قال أستاذة فريدة، فرق سن وتاريخ، أنا عملت نفسي وتعبت لحد النهاردة، وربنا وجمهوري هما اللي سندوني".

يذكر أن فريدة سيف النصر شاركت في الجزء الأول من مسلسل العتاولة، بطولة أحمد السقا، باسم سمرة، مصطفى أبو سريع، طارق لطفي، هدى الإتربي، مريم الجندي.

اقرأ أيضًا"

بعد سنوات من الخلاف.. انتصار تكشف كواليس تعاونها مع شيماء سيف في "إش إش"

محمد التاجي يكشف موقفًا كاد يدفعه لاعتزال الفن: "لن أقبل الإهانة"