تارا عماد تكشف عن علاقتها بوالدها: "ملوش دور في حياتي"

كتب- محمد أبو بكر:

كشفت الفنانة تارا عماد عن طبيعة علاقتها بوالدها، مؤكدة أنه ليس له دور في حياتها، وأنها ليست على تواصل معه.

وقالت تارا عماد، ببرنامج " after abtalks": "والدي ملوش دور في حياتي، ودا بطلب مني، ممكن نقول إنه طلب يرجع ويتواصل، لكن أنا أفضل أنه لأ".

وأضافت: "أصحابي شافوه في عزاء والدتي، لكن أنا مش فاكرة حاجة، في ناس كتير سلمت عليهم".

قرار المسامحة دون تواصل

أوضحت تارا عماد، عن موقفها من مسامحة والدها: "سامحت والدي عشان نفسي، ومن مسامحتي ليه قررت إني عايزة أخد بالي من نفسي ومش عايزة علاقة معاه، السماح معناه إني مش غضبانة ولا حزينة ولا بعاتبه، ومش شايلة جوايا أي حاجة غير إني عايزة أبقى مستريحة، مش عايزة أشيل هم حد، أشيل هم نفسي وبس".

وأردفت: "ممكن تكون ناس شايفة إني شريرة إني مش عايزة يبقى عندي أي نوع صلة مع والدي، بس أنا دا اللي مريحني".

آخر تواصل مع والدها

أما عن آخر مرة تواصلت فيها مع والدها، قالت: "آخر مرة والدي كان في حياتي وأنا عندي تقريبًا 23 سنة، هما اتطلقوا بدري أوي، ومكنش موجود كتير في حياتي، مامتي كانت بتنصحني: اعملي اللي يريحك بس أنتي هتضايقي لو حاجة حصلت له".

رد فعلها حال وفاته

واختتمت تارا عماد حديثها قائلة: "لو توفى ممكن أروح الدفن والعزاء، معرفش وقتها هحس بإيه، علاقتي معاه ضئيلة أوي على مدار السنين اللي كنت عارفاه فيها، ومش حاجة حاسة إني ممكن أبني عليها أحاسيس بالوجع والقهرة والانهيار".

اقرأ أيضًا:

محمد لطفي ينشر صورة من كواليس "80 باكو"..ويعلق: "مين يقدر يقنع مراته تحضر فرحه"

أول تعليق من مخرج مسلسل "العتاولة 2" بعد انتهاء تصويره

إنت مين ياللي بتضحك في اعتزال أبويا.. كيف تفاعل الجمهور مع اعتزال المخرج محمد سامي؟