بشرى: مفيش مسلسل لمحمد سامي مش عليه جدل.. وبحب "إش إش" جدًا
بشرى في سيد الناس
كتب- محمد جعفر:
علقت الفنانة بشرى على الانتقادات الموجهة لمسلسل "سيد الناس"، الذي يعرض حاليًا في سباق الدراما الرمضاني 2025.
وقالت الفنانة بشرى، في حوار لها مع ET بالعربي: "هو في مسلسل مش عليه جدل ولا انتقاد ولا هجوم لو اتفقت الأذواق هتبور السلع، مفيش مسلسل لمحمد سامي مش عليه جدل وهو عنده مسلسلين هذا الموسم أنا بتفرج على "إش إش" وبحبه جدا مشدودة ليه أنا والأسرة واتفرجنا قبلها على "نعمة الأفوكاتو".
وتابعت: "أنا مليش دعوة بحالة الجدل أنا ليا اللي قدامي بيبسطني بالعمل ولا لأ.. أنا مشدودة ولا لأ.. قفلة الحلقات بتشجعني أشوف الحلقة اللي بعدها ولا لأ، إنما الكلام الكتير دي بقيت سياسة السوشيال ميديا في أي حاجة، مبقتش فارقة بالنسبالي اللي يهمني العمل وردود أفعال الناس العادية الطبيعية اللي في الشارع".
ويعرض مسلسل "سيد الناس" في تمام الساعة 11 مساء عبر قناة MBC مصر، والإعادة في تمام الـ4 عصرا، كما يعرض عبر منصة "شاهد"، والعمل من بطولة عمرو سعد، خالد الصاوي، الهام شاهين، منه فضالي، أحمد فهيم، رنا رئيس، نشوى مصطفى، عماد زيادة وآخرين، تأليف وإخراج محمد سامي.
View this post on Instagram
فيديو قد يعجبك:
