بوسي عن والدها: "ماحبش غير نفسه وعمره ما سأل عليا أنا وأخواتي"

القاهرة- مصراوي

أعادت قناة المشهد، نشر فيديوهات من حلقة الفنانة بوسي، ببرنامج "عندي سؤال" للإعلامي محمد القس

وكشفت بوسي عن معاناتها مع والدها بعد وفاة والدتها، قائلة: "من وإحنا عيال أبويا مش بيسأل علينا ومش بيجي ومش موجود في حياتنا، بعد ما أمي ماتت المفروض إنها راحت عند ربنا، المفروض أبويا يحل مكانها ويبقى جنبي أنا وأخواتي، مش يجي ياخد من بنته اللي بتشتغل عشان تصرف على نفسها ومتتحوجش لحد".

وتابعت: "هو محبنيش أنا لوحدي، حتى أخواتي محبهمش هو محبش غير نفسه، طيب مكنتش تخلفنا من الأول، أنا كان عندي أخ مكنتش أعرف شكله غير لسه من سنتين، طالما إنت كدة بتجبنا ليه، الأب المفروض يعمل حاجات كتير لأولاده، مش يافرحتي موجود ومابتعملش حاجة ولا كأنك موجود".

وتابعت: "ابني واخد من حظي طالع من غير أب زي ما أنا عشت ابني بيعيش، أنا دلوقتي الأب والأم، يارب ما تكتبها عليه يعيش نفس العيشة ويتبهدل ويتحسر في حياته".