نهاية "وتقابل حبيب" تثير جدلا بين الجمهور.. وعمرو محمود ياسين يعلق

كتبت- منى الموجي:

قبل أيام من انتهاء مسلسل وتقابل حبيب المعروض ضمن مسلسلات رمضان 2025، أثير جدلا واسعا بين الجمهور ورواد مواقع التواصل الاجتماعي بشأن نهاية العمل، وطالبوا السيناريست عمرو محمود ياسين، بنهاية سعيدة، مؤكدين خوفهم من أن يجعلهم يشعرون بالحزن مع استقبالهم لأول أيام عيد الفطر المبارك.

ومن بين التعليقات التي كتبها الجمهور: "بلاش نهاية غير سعيدة هنزعل جدا، داخلين على عيد عايزين نفرح، حتى لو الدنيا نهايات مش سعيدة على الأقل يكون في المسلسلات عايزين نفرح مع العيد، حقيقي المسلسل عظيم"، "يعني إحنا حياتنا معاناة أصلا ما بنصدق نلاقي مسلسل ننسى فيه همومنا شوية ونروح لعالم تاني حتى لو عالم خيالي.. حرام عليك يبقى الواقع والخيال، إحنا ما صدقنا لقينا مسلسل نشلنا من مستنقع المسلسلات، فخلي المسلسل يكمل على خير وينصفنا متبقاش الحياة وحضرتك علينا كده كتير"، "يعني إيه انت بتوصل لينا رسالة أنه لازم نكون أشرار عشان نعيش في الدنيا بس عدل ربنا أقوى موجود في الدنيا وفي الاخرة"، "أنت هتقهرنا كلنا لو ده حصل وهنتأكد ان الشر اللي بينتصر"، "بس كده يا عمور حملة نكد كبيرة احنا عايزين شيء من البهجة مش تكمل علينا بنكد"، "عمرو الأمة العربية كلها هتعيد في حزن لو فارس حصل له حاجة وهنقاطع أعمالك لأنك لو قتلت فارس أو حصل حاجة في المسلسل الشعب العربي كله هيعيد في حزن، مش لازم يتجوزوا ولكن خد حق ليل متسيبهاش في الظلم ده".

وردا على كل التعليقات التي جاءته وإثارة الجدل قبل عرض النهاية، كتب مؤلف العمل عمرو محمود ياسين "فارس لليل وليل لفارس.. هي أمنيات لكن ليس كل ما يتمناه المرء يدركه.. تعالوا نفكر فيها هل إجلال هتسمح بده؟ طب هل عبدالعزيز هيسمح بده؟ طب هل رقية العسكري بالمافيا اللي وراها هتسيب ليل تدخل العيلة مرة تانية من أوسع أبوابها؟، طب المصيبة الأكبر بقى هل يوسف يسمح إن أخوه يتجوز طليقته؟ هل أصلا فارس عنده القدرة يواجه كل ده وهل ليل من فرط خوفها على بناتها هتغامر بمصيرهم وتتجوز فارس".

وتابع "يا جماعة أعدي من كل ده إزاي كفاية ضغط عليا اللي حصل حصل، واتفرجوا وخلونا نشوف هيحصل إيه.. أنا متشائل"، وأضاف "القلوب قالت آه .. بس العقول لسه في اجتماع مغلق".

"وتقابل حبيب" تأليف عمرو محمود ياسين، بطولة ياسمين عبدالعزيز، كريم فهمي، خالد سليم، نيكول سابا، أنوشكا، صلاح عبدالله، محمود عمرو ياسين، منة عرفة، إنجي كيوان، بدرية طلبة، إيمان السيد، ومجموعة كبيرة من الفنانين، إخراج محمد الخبيري، وتدور أحداثه في إطار اجتماعي رومانسي.