عمرو القاضي عن شخصيته في "منتهي الصلاحية": "كنت عارف إن استقبالها هيبقى صعب لدى الجمهور"

كتب- مروان الطيب:

تحدث الفنان عمرو القاضي عن دوره في مسلسل"منتهي الصلاحية".

وقال القاضي في تصريح خاص لـ"مصراوي" عن تحمسه للمسلسل: "لما الأستاذ تامر نادي المخرج عرض عليا الدور مكنتش أعرف ايه موضوع المسابقات ده وانا لما جيت على المسلسل جيت في وقت متأخر وكانت نزلت دعايته وما كنتش عارف لسه إيه موضوع المراهنات ده بس لما الاستاذ محمد هشام عبيه المؤلف حكى لي الخط كله والتفاصيل بتاعة الشخصيه استفزتني جدا".

واستكمل: "حسيت إن فيه حاجة مختلفة في طبيعة الدراما بتاعة الشخصيه بجانب موضوع المراهنات لان الشخصيه كانت بالنسبة لي أقرب لمدمن الهيروين وكنت عارف إن الشخصية هيبقى استقبالها صعب وفي شعرة دايما عند الشخصية لأن الشخصية صعبان عليه اللي بيعمله وبيرجع يندم وبعد كده بيرجع تاني للمراهنات".

وأضاف: "فالموضوع بالفعل شبه الإدمان وان موضوع المسلسل تأثيره مجتمعيا كبير جدا وهدف المسلسل جيد على المستوى الفني وعلى المستوى الاجتماعي وده شدني جدا والواحد كان حاطط إيده على قلبه من استقبال الناس للكاركتر والشخصيه والحمد لله الواحد مبسوط بردود الافعال ولسه اللي جاي كمان الحلقات اللي جاية".

تدور أحداث مسلسل "منتهي الصلاحية" حول عالم تطبيقات المراهنات ومدى تاثيرها على المجتمعات العربيه ويشارك في بطولته محمد فراج وعمرو القاضي وهبة مجدي وياسمين رئيس ومحمود الليثي، ومن تأليف محمد هشام عبية وإخراج تامر نادي.