"الناس بتتعامل مع ربنا بالرصيد".. أمين الفتوى يحذر من "بيزنيس العبادات" في رمضان
كتب – معتز عباس:
قال عمرو الورداني أمين الفتوى، إنه رصد بعض الأمور مثل بيزنس العبادات، وبعض الناس تتعامل مع ربنا بفكرة الرصيد.
وأضاف "الورداني"، في لقائه ببرنامج "كلمة أخيرة"، المذاع عبر فضائية "أون إي"، اليوم الإثنين، إنه في الثلث الأول من القرن الماضي ظهر عندنا ما يسمى بـ"التدين الكمي"، متابعًا: "الناس بقيت بتتعامل مع ربنا بالرصيد، هو عايز يقول كلمات مقابل رقم معين من الحسنات".
وأكمل: "الحسنات بالطبع فضل من الله، وكل عمل صالح له موطن في القلب يجعل العبد موصول بالله، وهو دا اللي بيخلي العبادة تتحول إلى الاخلاق، في الحقيقة المقصود الأساسي من العبادة هو الترقي والانتقال من العبادة والتعبد للعبودية".
وتابع: "بعض الأشخاص دخلوا مع الله في تعاقد، بمعنى أنا هعبد ربنا عشان يحقق لي مرادي وربنا يبقى بتاعي وندخل في دايرة ان احنا أبناء الله وأحبابه ويبقى بينا وبين ربنا عقد".
الناس بقت تتعامل مع ربنا بالرصيد.. أمين الفتوى يحذر من "بيزنيس العبادات" في رمضان#كلمة_أخيرة@KelmaAkhira pic.twitter.com/Bb8SlVgDf4
— كلمة أخيرة مع لميس الحديدي (@KelmaAkhira) March 20, 2023
فيديو قد يعجبك:
