"كنت سلفي ثم صوفي ثم إخواني".. عالم أزهري يعلق على حديث الفنان أحمد الفيشاوي

كـتب- علي شبل:

علق الدكتور محمد إبراهيم العشماوي، أستاذ الحديث وعلومه بجامعة الأزهر الشريف، على حديث الفنان أحمد الفيشاوي، ببرنامج "ع المسرح" على فضائية CBC، والذي قال فيه إنه تاب عن أفكار وأفعال وقع فيها، وأنه لا يزال في مرحلة بحث، وإن قناعته إن "ربنا رب قلوب".

وفي تعليقه على حديث الفنان، قال العالم الأزهري: "مش هوه لوحده، دا حال شباب كتير فقدوا البوصلة مش لاقيين اللي يوجههم.. مفيش خطة دعوية واضحة لاحتواء الشباب.. فضاء مفتوح لكل ناعق".

وتابع العشماوي، عبر صفحته الرسمية على فيسبوك: "أي واحد عايز يتكلم في الدين بيتكلم، وتبقى له جماهيرية شعبية عريضة

ويلتف حواليه الشباب.. بدون تقييم لفكره ونظر في حاله، ونكتشف بعد سنوات إنه كان مصدر خطر على الشباب، وهيفضل هوه ده الحال لحد ما كل واحد يقوم بدوره، وكل مؤسسة تقوم بدورها على الوجه المَرْضِي بإخلاص وتفاني وتخطيط ورؤية وهدف.. مش عشان اللقطة والصورة والتقرير وتستيف الأوراق".

وكان الفنان أحمد الفيشاوي قال في تصريحه: كنت سلفي؛ ثم صوفي، وكنت إخوان، وعمي كان عضو (تكفير وهجرة) ولكنه تاب. عشت هذه التناقضات.. وأرجع في رأيي طالما اكتشفت إنه غلط.

واضاف الفنان المثير للجدل والمشهور بالمظهر الغريب عن الشباب العربي المسلم بوضع التاتو والوشم على جسده: اتعلمت أهمية "الحب والسلام" ومازلت في رحلة البحث.. مريت بتجارب كتيرة، وعندي 43 سنة ولسه بكتشف وبتعلم وممكن أغير رأيي. لكن قناعتي إن "ربنا رب قلوب"، الواحد بيحاول تكون نيّته صافية علشان ربنا يكرمه.

اقرأ أيضًا:

الإفتاء تحدد قيمة زكاة الفطر والفدية.. اعرف الزيادة كام

المفتي: يحدد الوقت الصحيح للإفطار والسحور في رمضان

تعرف على 10 فضائل لصيام شهر رمضان.. يوضحها الأزهر للفتوى