المستكاوي منتقدًا وكيل أعمال محمد صلاح: "مفيش لاعب أكبر من النادي"
حسن-المستكاوي-1
كتب- محمد جمعة:
انتقد الناقد الرياضي حسن المستكاوي، تعليقات رامي عباس وكيل أعمال محمد صلاح لاعب ليفربول الإنجليزي على مفاوضات التعاقد الأخيرة.
وأضاف المستكاوي، خلال مداخلة هاتفية مع الإعلامية لميس الحديدي ببرنامج "كلمة أخيرة"، مساء السبت: "ليفربول فريق كبير وكلوب مدرب كبير، مينفعش في المستوى العالي ده من التفاوض مع أندية كبيرة باسم لاعب كبير زي محمد صلاح، ينشر وكيل أعماله تغريدات ساخرة".
وتابع المستكاوي: "صحيح من حقك تدافع عن اللاعب الموكل عنه، لكن لما تتكلم باسم لاعب كبير مينفعش يبقى الحديث عبارة عن سخرية واستهزاء.. جمهور ليفربول بدأ يرد ويقول إحنا خسرنا لاعبين كبار وممكن نخسر محمد صلاح لكن مش هنخسر ليفربول".
واستطرد المستكاوي: "ما ينفعش نتعامل مع السوشيال ميديا إنها مش مهمة.. ده منصة إعلامية توجه الرأي العام ولازم ناخد بالنا من تحركاتنا وكلامنا، اللاعبين بيمشوا والأندية بتبقى سواء ليفربول أو غيره.. ومافيش نادي انتهى بخسارة لاعب ومفيش لاعب أكبر من النادي ودي حقيقة تاريخية منذ بداية الكرة في مهدها".
فيديو قد يعجبك:
