بالفيديو.. مرتضى منصور: "وقفة رمضان صبحي دليل السحر"

كتب - أحمد حجي:

قال المستشار مرتضى منصور رئيس نادي الزمالك، إن وقفة لاعب النادي الأهلي "في إشارة لرمضان صبحي"، في مباراة القمة دليل على أعمال السحر والشعوذه ضد لاعبي الزمالك، على حد قوله.

وقال منصور في حوار مع برنامج "اللعبة الحلوة مع بندق" على قناة "LTC"، مع خالد الغندور، صباح السبت: "أنا ماتكلمتش في موضوع السحر والشعوذة إلا لما حصل تريقة والأهلاوية قالوا قطعناهم ومعرفش ايه".

وأضاف: "عمرك شفت لاعب بيقف على الكورة إلا لو كان واثق مليون في المية محدش هيعمله حاجة، وبعدين أنت بتلعب بقالك كام سنة، عارف يعني ايه ده قمة الاستهتار بالمنافس بتاعك".

وتابع: "أنا بحذر الكلام ده لو حصل في أي ماتش أهلي وزمالك تاني دي سكة منيلة بستين نيلة وأخرتها نيلة".