عرابي تعليقًا على اختفاء عقد إمام عاشور: "الحل بسيط"

كتبت- إسراء عدلي:

علق أسامة عرابي المدير الرياضي السابق لفريق أسوان على أمر اختفاء عقد بيع إمام عاشور لاعب الأهلي الحالي من الزمالك إلى ميتلاند الدنماركي.

وكتب عرابي منشورًا على على صفحته بموقع التواصل الإجتماعي "فيسبوك": "مساء الخير يا شباب، لو فعلًا تم إختفاء عقد بيع إمام عاشور لميتلاند من الزمالك وإن الفلوس لم تدخل خزينة النادي زي ما بيتقال فاللجنة الثلاثية الموجودة حالياً كل اللي محتاجة تعمله إنها تجيب الإداري اللي ماسك السيستم بتاع الزمالك، وفي حالة إن الراجل ده مش موجود أو مشي أو مش عارفين يستلمو السيستم منه يخاطبوا الفيفا رسمي بتغيير اسم المستخدم وكلمة السر ويدخلوا على السيستم وكل أسئلتهم حيلاقوا الإجابات عليها في المستندات المرفوعة على السيستم".

وأضاف: "أولا، إمام عاشور انتقال دولي يعني أوراق الانتقال تم رفعها على TMS ، وبيانات الانتقال بالتفصيل ومقابل الانتقال وطريقة ومواعيد السداد بتكون موجودة ومعاهم العقد الموقع، النقطة الثانية من أول السنة دي الاتحاد الدولي استحدث منظومة اسمها FIFA CLearing House ودي دورها مراقبة التعاملات بين الأندية لضمان شفافية المعاملات المالية من خلال الزم الأندية الشارية في الحالة دي (ميتلاند) إنه يبعت إثبات أنه بعت الفلوس برقم الحساب الباعت منه لرقم الحساب للمتلقي (الزمالك) كل دا موجود على السيستم - الحل بسيط يا جماعة مسؤول الـ TMS في نادي الزمالك ينزل المستندات من على السيستم و حيكون متسجل فيه رقم حساب اللي تم التحويل ليه".

يذكر أن مصدر داخل نادي الزمالك كشف اختفاء عقد بيع إمام عاشور لفريق ميتلاند الدنماركي خلال فترة الانتقالات الشتوية الماضية.