إفطار رمضان: صدور الدجاج بالفلفل الملون وكنافة بالكاستارد

الحلويات: كنافة بالكاستارد

وقت التحضير : 30 دقيقة وقت الطهي : 30 دقيقة الوقت الكلى : 1 ساعة
عدد الاشخاص: 6

المقادير: 3 x معلقة كبيرة سكر، 3 x معلقة كبيرة نشا، 1 x عدد عصير ليمون، 1 x كيلو لبن كامل الدسم، 1 x كيلو كنافة (مجمده)، 1 x كوب (140 جرام) سمن، 1 x كوب (140 جرام) سكر، 1 x كوب (140 جرام) لبن كامل الدسم، 1 x كوب (140 جرام) ماء، 1 x معلقة صغيرة سمن

الخطوات: هنحط كوب السكر و كوب الماء و عصير نصف الليمونه فى حلة على نار هاديه مع التقليب من وقت للتانى لمده نص ساعة. هنشفل الفرن على درجة حرارة متوسطة علشان مهم يكون متسخن كويس من الأول. هنحط نص لتر اللبن فى حلة و التلت معالقسكر و نسخنهم على النار. هنجيب كوب لبن ساقع و ندوب فيه 3 معالق نشا كويس. لما اللبن يسخن كويس هنوطى النار و نضيف عليه اللبن الساقع بالنشا مع التقليب المستمر. اضافه اللبن بالنشا لازم تكون بالراحه و شوية شوية. و التقليب لازم يفضل مستمر لحد مالكاسترد يتقل و بعدين نطفى عليه و نسيبه يبرد. هنجيب الكنافة المتجمده و نحطها فى طبق غويط و نكسرها كويس. لو فيها حتت كبيره لازقه فى بعض نشلها خالص و نضيف السمن و نقلب كويس. هنجيب الصينيه و ندهنها كويس بالسمن و بعدين نجيب نص كمية الكنافة و نفردها فى الصينية من تحت و عالحروف و نضغطها كويس. هنضيف عليها الكاستارد ونساويه بظهر المعلقه لحد مايبقى قد بعض فى الصينيه كلها. هنجيب باقى الكنافه و نرشها على الكاسترد و لما نخلص نضغطها بالراحه جدا علشان نساويها. هنسويها فى الفرن من 20 دقيقه ل30 دقيقه. لحد مالونها يبقى ذهبي. هنطلعها من الفرن و نضيف عليها حالا الشربات و نسبها تبرد كويس قبل التقطيع.