ميار الببلاوي تنفي تعمدها الإساءة لأحمد رزق بعد زواج حنان مطاوع

كتب - محمد صالح:

أبدت الفنانة المعتزلة ميار الببلاوي انزعاجها من اعتبار تهنئتها للفنانة حنان مطاوع حملت إساءة لخطيبها السابق الفنان أحمد رزق.

وقالت ميار عبر حسابها الشخصي بموقع "فيسبوك": "يالهووووى هو فى ايه يا جماعه والله العظيم مقصدت اى اهانه لاحمد رزق انا مقصدش احمد خالص نهائي حرام الناس الى قاعدالى على الوحده انا كنت بقصد عاما ان الانسان مهما اتالم لفشل تجربه وبعدها شاف ناس كتير دون المستوى ربنا بيجازيه صبره خير".

وأضافت: "وفى الاخر ربنا بيكتبلوا السعاده مع الى يريح قلبه الله يخليكم احمد من ارجل الناس الى عرفتها واخ وصديق وجار ى وزوجته ست فاضله ربنا يهنيهم ويخليلهم اولادهم مش علشان صحفيه عاوزه تعمل خبر توقع بين اتنين زمايل كده كمان عيب اتقوا الله انما الاعمال بالنيات وربنا عالم نيتى وكنت اقصد مين هما عارفين نفسهم مش احمد خالص".

وكانت ميار قد نشرت صورة لحنان مطاوع مع خطيبها السابق أحمد رزق، بجانب صورة أخرى لزوجها الحالي، وعلقت عليها قائلة: "اتقل تاخد حاجة نضيفة حتى لو اضطريت تعدي على مقالب زبالة علشان نوصل للجنينة الي وردها جميل ربنا يهنيكي يا حنون ويهدي سرك ويخليكم لبعض".