علاء عبد الفتاح: إخلاء سبيلي مؤامرة..''وليه كيري مطلعش سناء أختي؟''

كتبت-عبير القاضي:

قال الناشط السياسي علاء عبد الفتاح، عقب إخلاء سبيله، إن إخلاء سبيله مؤامرة، وحسبه كان أيضًا مؤامرة من السلطة ضد الحرية، مؤكدًا أن لا يوجد محاكم عادلة في مصر، ''والتي زادته كراهية ورغبه في الانتقام من الظلم''- على حد وصفه.

وأضاف عبد الفتاح، عبر حسابه الشخصي على موقع التواصل الاجتماعي ''فيسبوك'' اليوم الثلاثاء، ''أنا مبنكرش ان اخلاء سبيلي (المؤقت على فكرة متقروش) مؤامرة، ودخولي السجن كان مؤامرة، و لكلام ده ينطبق على كل المعتقلين، لأن مفيش محاكم ولا فيه عدل، فيه مؤامرات و بس، مؤامرات من السلطة ضدنا، فالسلطة بقى تقرر تحبس حلمي الجزار وبعدين تخرجه، تحبس علاء عبد الفتاح بعدين تخرجه، دي كلها حاجات خاضعة لمزاجات وقرارات السلطة ومفيش حد فيكي يا بلد عنده حتى ذرة شك أن يكون للقانون والدستور والعدالة دخل في الموضوع''.

وتابع قائلا: ''إحنا نقدر ننظم نفسنا ونضغط على السلطة اللي بتتآمر علينا دي ولا لأ. اللي شايف ان مفيش غير المؤامرات واننا عاجزين و ملناش لازمة يركن على جنب، مش عشان هو غلطان لا سمح الله، عشان ايه فائدة النقاش في إزاي ملناش لازمة؟ اللي ملوش لازمة يركن، واللي بيشجع السلطة والسلام يركن على جنب برضه، اللي شايف بقى أن ينفع نأثر ينضم لينا في الإضراب عن الطعام، يوصل الكلام للمظاليم اللي يعرفهم في السجون ويقنعهم بجدواه، يفضح إزاي المحاكمات ملهاش علاقة بعدالة وقانون، يوسع قاعدة التعاطف مع المعتقلين، يفكر في حلول عملية ومكاسب جزئية نقدر نطلع بيها زي اسقاط قانون التظاهر، الخ''.

ووجه علاء عبد الفتاح، حديثه لوالده المحامي الحقوقي الراحل أحمد سيف الإسلام عبد الفتاح، قائلًا: ''لم يزدني السجن إلا كراهية، فالكراهية تركة السجان، لم تزدني وفاتك إلا تسامح، فالتسامح تركتك، كرهت السجون والمحاكم يا بابا لدرجة اني صرت لا أتمناها حتى لمن أحملهم مسئولية قتلك، هل ردعت السجون مجرما أبدا؟ أنملك دليل قطعي على فائدتها؟ أم استقرت عقيدتنا عليها؟، والله ما قابلت يوما شرطي واحد اعترف أن قتل خالد سعيد كان جريمة، ماذا يفيدنا حبسهم؟ والله ما قابلت يوما شخص واحد غير السجن عقيدته، ماذا يفيدهم حبس خصومهم، كنا زمان نحكي عن قيمة الحقيقة، أتذكر كلامك فأتخيل محاكم تنتصر لها، في عالم مثالي بعيد لكن ممكن، محاكم تكشف وتشرح لنا الخلل، كيف فعلها الجاني؟ لماذا تركناه يفعلها؟''.

واختتم الناشط السياسي تدوينته ساخراً: ''حد يكلملنا كيري يشوف مطلعش سناء ليه، الخارجية الأمريكاني كمان بقى الفينيش بتاعها وحش؟''.

لمتابعة أهم وأحدث الأخبار اشترك الآن في خدمة مصراوي للرسائل القصيرة.. للاشتراك ...اضغط هنا