فلوكس ردا على غروره مع رمضان: "ماكنتش فاضي اتغر.. واشتغلت كومبارس في كليب للعسيلي"

كتب- ضياء مصطفى:

رد الفنان أحمد فلوكس على أن غروره في التعامل مع محمد رمضان خلال مسلسل "إحنا الطلبة"، جعلت الأخير لا يطلبه في أعمال له، خلال برنامج "شيخ الحارة والجريئة"، على قناة القاهرة والناس.

وقال فلوكس: "أنه يعترض على صيغة يشغله معاه، وأنا مابيتشغلش مع أي حد، ماحدش بيجبرني لو مش عاوز اشتغل مع فنان مش هشتغل حتى لو أخد ملايين".

وأضاف: "أنا ماحدش بيشغلني، وأنا ورمضان أصدقاء، وعملنا ساعة ونص وأولاد شوارع وإحنا الطلبة، وربنا يكرمه في نجاحه".

وتابع: "عمري ما كنت مغرور، شكلي يبان كده، ووقت المسلسل ده تحديدا كنت مشغول جدا، وماكنتش فاضي حتى أتغر على حد".

واستطرد: "لو كان المنتج هشام عبدالخالق هيدفعلي ملايين عشان اعمل الممر وأنا مابحبش شريف عرفة أو أحمد عز ماكنتش عملت الدور".

وأضاف: "أنا مش هيضيع اللي عملته، أنا بدأتها من تحت واشتغلت كومبارس في كليب الدنيا مجنونة لمحمود العسيلي بـ50 جنيه".