الاختيار 3 الحلقة 3.. صفعة ضباط الأمن الوطني لهشام قنديل عندما حاول استمالتهم

كتب- عبد الفتاح العجمي:

شهدت الحلقة الثالثة من مسلسل "الاختيار 3 - القرار"، عرض حوارا بين الفنان صبحي خليل الذي يجسد دور رئيس الوزراء الأسبق إبان حكم جماعة الإخوان هشام قنديل، وضباط الأمن الوطني.

ظهر هشام قنديل أثناء اجتماعه مع ضباط الأمن الوطني، وقال محاولا استمالتهم: "أنا جاي النهاردة أشوف مطالبكم إيه.. أنا أخدت موافقة الدكتور مرسي لتغيير المرتبات، وبعدين المرتبات مش هتبقى مرتبات مجزية بس لأ.. دي هتبقى مرتبات مغرية".

أضاف: "بس أنا الحقيقة ملاحظ أن شغل الجهاز مش زي زمان، إحنا عارفينكم لما بتشتغلوا بتعملوا إيه، لو عندكم أي مشاكل في الجهاز قولوا لنا ونحاول نحلها مع بعض".

ورد عليه أحد ضباط الجهاز: "إحنا أكبر مشكلة عندنا أن حكومتك بتأخون الدولة"، فعقب قنديل منفعلا: "يعني إيه بأخون الدولة؟ إيه الكلام اللي بتقوله ده؟"، فرد الضابط: "زي ما بقول لحضرتك كده، حكومتك بتعين في الوزارء والمحافظين ورؤساء الأحياء حتى النقابات، مش عن طريق الكفاءة، لأ، لازم يبقى عضو في جماعة الإخوان، أو حزب الحرية والعدالة".

ورد قنديل في توتر: "أنا مسمحش لحضرتك تقول الكلام ده هنا.. طيب في حاجة تانية يا سيادة الوزير ممكن نتناقش فيها؟"، فرد وزير الداخلية الذي يجسد دوره الفنان أحمد وفيق، قائلا: "أعتقد يا فندم مفيش بعد اللي اتقال".

مسلسل "الاختيار 3 - القرار" من تأليف هاني سرحان، وإخراج بيتر ميمي، وبطولة أحمد السقا، كريم عبد العزيز، أحمد عز، ياسر جلال، خالد الصاوي، صبري فواز، وعبد العزيز مخيون وغيرهم.