حسام البدري عن نظرته للحكم محمود عاشور: عمري ما كنت مغرور

كتب مينا غالي:

قال حسام البدري المدير الفني السابق لمنتخب مصر، إن لم يقصد التعالي على الحكم محمود عاشور، بعد تداول صورته التي وصفها البعض بأنه نظرة غرور.

وقال البدري خلال لقاءه ببرنامج العرافة على قناة المحور مع بسمة وهبة: "أنا مش مغرور خالص.. أنا كلمت عاشور بعد الواقعة دي في الموبايل وقلتله أنا بعتذر لك، لكن أنا بعتب عليك، علشان اللي حصل في الملعب وأنت جيت ماكنتش أنا اللي قايله علشان كده بصيت لك البصة دي، وأنت حولت الموضوع من واحد قال كلام على الدكة لي وجالي أنا".

وأضاف البدري: عتابي على عاشور وبصيتي كان معناه: أنا اللي ناديت عليك؟ .. أنا.. وجايلي أنا.. فده كان عتابي عليه وسبب بصتي".

وتابع: البصة كانت غير لائقة، لكن كنت متضايق عشان مش أنا يا عاشور اللي بكلمك، مضيفا: لما بتضايق مش بخرج عن شعوري.. عمري ما خرجت عن شعوري بشكل مش مقبول.

​