"ما يصحِّش حد يصوَّرني بالشكل ده".. رانيا يوسف معربةً عن عدم تعمدها إثارة أزمة
11:40 م
الأحد 02 ديسمبر 2018
كتب - معتز عباس:
أعربت الفنانة رانيا يوسف عن ضيقها بسبب تناول مواقع التواصل الاجتماعي أزمة فستانها "الجريء" في ختام مهرجان القاهرة السينمائي الدولي، بشكل كبير، مضيفة: "الموضوع أخد أكبر من حجمه، وكان ممكن يبقى رد الفعل أهدا من كده شوية".
وأكدت يوسف، خلال مداخلة هاتفية مع برنامج "مساء DMC"، المذاع عبر فضائية "DMC"، اليوم الأحد، أنها فوجئت بالبلاغات المقدمة ضدها بسبب الفستان، متابعة: "لم أتلقَّ أي إخطارات رسمية بوجود دعوة قضائية مرفوعة ضدي".
وأضافت الفنانة: "الظرف ده فيه ستات كتير بتتعرض له، وأنا اتضايقت من شكلي في الصور، لأنه ما يصحِّش اللي صوَّرني يصوَّرني بالشكل ده، لأنه تعمَّد إظاهري بأني أقصد إثارة أزمة.. أنا مش ممكن أعرض نفسي للبهدلة دي وأعرض أهلي لمشكلة مثل دي".
وبسؤالها عن رغبتها في أن تصبح "تريند" المواقع والسوشيال ميديا، عقَّبت: "إيه اللي يخليني أعمل كده، أنا لبست فستان في افتتاح المهرجان والناس قعدت تتريق عليَّا، أنا الحمد لله ناجحة وربنا كرمني، وتريند إيه اللي يخلِّيني أعمل كده؟!".
فيديو قد يعجبك:
الخبر التالى:
ريهام سعيد تكشف عن سخرية عادل إمام من وزنها - فيديو
