لسة صغنون.. صابرين ترد على هجوم "سيد علي" بسبب برنامج رامز جلال

كتب- يوسف عفيفي:

ردت الفنانة صابرين، على هجوم الإعلامي سيد علي، بشأن ظهورها في برنامج "رامز جلال" ووصفها بأنها "كبيرة في السن".

وقالت صابرين خلال لقائها مع الإعلامية بسمة وهبة، في برنامج "العرافة": "مش غضبانة من سيد لأنه لسه صغنون، وأنا بشتغل من صغري، وعشان كده حاسس إني بقالي زمن بمثل وبصور، مفيهاش مشكلة ومزعلتش منه".

وعن مشاركتها في برنامج رامز جلال على قناة إم بي سي مصر، قالت: "يعني إيه قبلت كل التجاوزات من أجل المال؟ إحنا مش بنسمع اللي بيقوله رامز، وقولتله ما تذيعش الحلقة".

وأكملت صابرين:" شاركت في برنامج رامز قلب الأسد، والأسود كانت بتاعت بنت خالتي فاتن الحلو، وكان أخويا معايا، وكل سنة كان بيبعتلي كنت بفقسها وبعرف، لكن المرة دي اتخدت خوانة".

وأردفت: "متقالش رامز خالص، لكن اتقال فاندام، وكنت مبسوطة جدًا، إني هعمل حاجة عالمية زي دي".​