أفضل طريقة لتدميس الفول

المقادير:

كيلو فول تدميس بلدي نظيف

ربع فول مدشوش

ربع عدس أصفر

5 حبايات طماطم

4 لمونات

الخطوات:

غسل الفول جيدا، وبعدين ننقعه في مياه نظيفة ساعتين

غسل العدس والفول المدشوش

ضرب الطماطم في الخلاط كويس

نحط كل الحاجات دي مع بعض في حلة مياه مناسبة على النار،

نعصر الـ 4 لمونات عليهم ونحط اللمون المعصور بقشره معاهم

وأول ما يبدأ يغلي نهدي النار عليه ونخليها هادية على أصغر عين في البوتاجاز

كل ربع ساعة نقلب الفول كويس لمنع التصاقه في قاع الحلة، واستمرار النار عليه مش أقل من 7 ساعات، وممكن 9 ساعات يبقى أحسن

والحلة تكون مقفولة كويس

وكل شوية تحطي مياه سخنة عشان ما ينشفش، وفي نفس الوقت ما تخليش الحلة مليانة على اخرها، عشان ما تفورش وتدلق
وبعد ما يبرد ، نبدأ نقسمه في أكياس ثلاجة ونحطه في الفريزر، ونخرج منه حسب الحاجة
لأنه لو ترك في الثلاجة بيفسد ورائحته بتغير.